Shtohet dhuna në familje, gratë viktima (VIDEO)
Lajme

Shtohet dhuna në familje, gratë viktima (VIDEO)

16 Korrik 2017 | 19:44

Shqipe Pajaziti:

Në Kosovë vazhdon dhuna në familje. Kryesisht janë gratë viktimat ndërsa Prishtina është komuna me më së shumti raste të dhunës.

Për zyrtarët e Policisë pranojnë se në raport me rastet në tërësinë që ndodhin, shumë pak denoncohen.
Tahire Haxholli, shefe e sektorit kundër dhunës në familje në Policinë e Kosovës tregon shifra alarmante.

“Prej vitit 2015 dhe për dallim se në vitin 2016 kishim ngritje të raportimit të rasteve rreth 200 raste që kishin raportuar në Policinë e Kosovës, dhe Policia e Kosovës këto raste i ka trajtu në mënyrë profesionale dhe më urgjente”, ka thënë Haxholli.

Haxholli pohon që si shkak kryesor i dhunës në familje është gjendje ekonomike, por jo vetëm.

“Janë gra të cilat janë të varura ekonomikisht nga burri ose ndonjë anëtar tjetër i familjes , janë gra të cilat nuk kanë përgatitje të lartë shkollore , nuk kanë aftësim professional. Jo vetëm kaq, raste të tilla ka edhe nga personat të cilët janë përdorues të substancave narkotike, alkoolit por edhe kur ka dallime në arritjet profesionale të partnerëve”, ka thënë ajo.

Sociologu Ferdi Kamberi thotë se në një shoqëri që toleron dhunën pasojat i ka shumë të mëdha. E sipas tij, ato drejtpërdrejt bien mbi gruan.

“Pasojat më të mëdha nga gjitha studimet relevante të cilat kanë folur për feminologjinë tregojnë që pasojat mund të jenë sidomos tek fëmijët … ata njëfarë mënyre i atashojnë , e kanë një lloj atashimi psikologjik dhe vetën e fajsojnë se ndoshta ata janë fajtor kryesor për divorcin”, ka thënë Kamberi.

Ndërsa, psikologu Naim Telahu thotë se prindi gjithmonë ka të drejtë të jetë imponues kundrejt fëmijës, mirëpo asnjëherë me dhunë.
“Gratë të cilat e tolerojnë abuzimin nga burrat e tyre ose nga tjerë persona , zakonisht e kanë një histori abusive … dhe mendoj qe kjo çeshtja perveç që është komplekse mendoj që është vështirë me luftu”, ka thënë Telahu.

Dhuna nuk ka justifikim, është shkelje e të drejtave të njeriut dhe sanksionohet me ligj.

Më të lexuarat

Tribuna

Email