Deputeti Hoti: Institucionet të jenë në shërbim të bashkatdhetarëve
Lajme

Deputeti Hoti: Institucionet të jenë në shërbim të bashkatdhetarëve

11 Korrik 2017 | 21:36

Deputeti i PDK’së, Andin Hoti ka vendosur t’ua kushtoj vëmendjen mërgimtarëve që po vijën këto ditë në Kosovë. Ai në një status në Facebook, ka thënë se bashkatdhetarët duhet të trajtohen mirë dhe tu ofrohen kushte për ti kryer shërbimet që kanë nevojë. “Mendoj që komunat dhe administrata në përgjithësi duhet të japin maksimumin e tyre që të ketë shërbime cilësore dhe të shpejta”, ka shkruar ai.
Ky është statusi i plotë i Hotit në Facebook:

MIRËSEVINI NË VENDLINDJEN TUAJ!

Gjatë udhëtimit në Krushë dje, rastisa të takoj disa nga bashkatdhetarët tanë dhe të bisedoj me ta. Sa herë i sheh, të kujtohen sakrificat e shumta që kanë bërë përpara, gjatë dhe pas Luftës Çlirimtare për neve dhe Kosovën e tyre.

Të dashur bashkatdhetarë,

Ju uroj mirëseardhje në vendin Tuaj për të cilin dhatë shumë, vendin që edhe pse jo fizikisht, shpirtërisht jeni gjithmonë këtu me ne, bashkë në vuajtje dhe në gëzim.

Bashkë me juve, ne ndërtuam Kosovën, ndoshta jo siç do të donim ta shihnim të gjithë, të përparuar si vendet perëndimore e demokratike, mirëpo shumë më mirë se ç’ishte dje.

Një Kosovë që frymon lirshëm, një Kosovë që zhvillohet gradualisht, një Kosovë që mundohet të ruaj kulturën e lashtë, e në të njëjtën kohë, mundohet t’i përshtatet kulturës së sotme evropiane.

Një Kosovë që ka miqësi të fuqishme me Shtetet e Bashkuara të Amerikës dhe një synim të çartë siç është Integrimi Evropian.

Uroj të keni një pushim të mirë dhe çmallje me familjarët Tuaj.

Ftoj, po ashtu, institucionet qendrore e lokale që të jemi në shërbim të bashkatdhetarëve tanë.

Mendoj që komunat dhe administrata në përgjithësi duhet të japin maksimumin e tyre që të ketë shërbime cilësore dhe të shpejta.

Prandaj mendoj se nuk mjafton “java e bashkatdhetarëve”, por “MUAJTË e bashkatdhetarëve” (Korrik – Gusht), dhe gjatë këtyre muajve të rritet efikasiteti i Administratës me theks shërbimin ndaj bashkatdhetarëve.

Besoj fort se administrata ka mundësi të shtoj edhe orarin e punës, edhe të marrë kompensimin për punën jashtë orari;

Besoj fort se mund të evitohen pritjet e gjata në kufi, të kenë mirëkuptim doganat e Kosovës dhe Policia Kufitare;

Besoj fort se Policia e Kosovës ka merita dhe lëvdata të shumta për sjellje korrekte, unë shpresoj se kanë kujdes të shtuar, mirëkuptim dhe lehtësira të shumta brenda kornizave ligjore ndaj bashkatdhetarëve tanë;

Besoj se edhe Ministria e Infrastrukturës ka marrë masa për lehtësimin e qarkullimit në rrugët nacionale dhe lokale duke evituar punimet gjatë këtyre dy muajve;

BASHKËATDHETARET TANË E MERITOJNË QËNDRIMIN E KËNDSHËM NË ATDHE DHE MIRËSEARDHJEN TONË TË SINQERTË!

Më të lexuarat

Tribuna

Email