Hapet ekspozita “Një jetë bardh e zi”
Kulturë

Hapet ekspozita “Një jetë bardh e zi”

22 Mars 2018 | 7:55

Sot në Galerinë e Ministrisë së Kulturës bëhet hapja e ekspozitës “Një jetë bardh e zi”, e Avni Pantinës, e cila përmban një set të fotografive bardh e zi, që autori i ka realizuar në Somali të Afrikës.

Karakteret e kapura nga syri i aparatit të Pantinës paraqesin një popull të vuajtur dhe në varfëri të skajshme, mirëpo me një kulturë shumë fisnike dhe dinjitoze.

Kjo është ekspozita e tij e parë personale në Galerinë e Ministrisë së Kulturës.

Pantina është fitues i disa shpërblimeve brenda dhe jashtë vendit si “Salloni i Nëntorit” në Prishtinë në vitin 2010, çmimin për grafikën më të mirë në vitin 2015 në Fakultetin e Arteve-Universiteti i Hacettepes në Turqi, etj.

Deri më tani, Avni Pantina ka realizuar pesëmbëdhjetë ekspozita, prej të cilave shtatë në Turqi, një në Somali dhe të tjerat në Kosovë.

Më të lexuarat

Tribuna

Email