Hidhet shori për Superligën shqiptare
Arena

Hidhet shori për Superligën shqiptare

11 Korrik 2017 | 21:43

Është hedhur shorti për javën e parë të Superligës shqiptare në futboll
Federata Shqiptare e Futbollit ka përcaktuar kalendarin e Kategorisë Superiore rreth dy muaj përpara fillimit të sezonit të ri.

Shorti i hedhur pranë zyrave të FSHF-së ka përcaktuar rrugëtimin e 10 skuadrave të Kategorisë Superiore për 36 javët e kampionatit të ardhshëm.

Kampionati nis më 9 shtator, kur kampionëve në fuqi të Kukësit do t’iu duhet të përballen me skuadrën e sapongjitur në Kategorinë Superiore, Kamzën.

Partizani pret Laçin, ndërkohë që Skënderbeut, shorti i vuri përballë skuadrën e Flamurtarit. Jo më pak interesante është edhe sfida mes Teutës dhe Luftëtarit, ndërsa Lushnja do të presë skuadrën e Vllaznisë.

Sa u përket ndeshjeve me më shumë rivalitet të viteve të fundit, ato fillojnë nga java e dytë me sfidën Partizani-Kukësi, dy skuadrat që zunë dy vendet e para sezonin e kaluar, ndërsa në javën e tretë Skënderbeu do të presë “të kuqtë” kryeqytetas, për të udhëtuar më pas drejt Kukësit.

Sa i përket kësaj shtyrjeje të fillimit të sezonit të ri, sekretari i Përgjithshëm i FSHF-së, Ilir Shulku tregon arsyet.

“U kemi dërguar nga një shkresë klubeve dhe 7 nga 10 ishin gati që ta fillonin kampionatin në këtë datë. I kemi përllogaritur të gjitha gjërat shumë mirë, për këtë arsye nuk do të ketë ngjeshje të ndeshjeve në këtë sezon”, tha Ilir Shulku, sekretar i FSHF-së.

Një nga arsyet e shtyrjes së sezonit të ri lidhet edhe me rikonstruksionin sipas kritereve të Kategorisë Superiore të stadiumeve të Lushnjes dhe të Kamzës, të sapongjitura në Kategorinë Superiore.

Më të lexuarat

Tribuna

Email