Shqip English
Në numrin e ri të Gazetës Tribuna:

Kosova synon ta rris prodhimin në bujqësi

10:15 / E diel, 09 Qershor 2013
0

Në shtatë vitet e ardhshme, Kosova synon që ta rris prodhimin e saj në bujqësi dhe të krijojë vende të reja pune. Kjo parashihet me planin strategjik 2014-2020. Se bujqësisë duhet t`i kushtohet vëmendje më afatgjate, këtë e shohin nga këndi i tyre edhe vetë ekspertët e kësaj fushe.

Nga përpjekjet e Ministrisë për zhvillimin e bujqësisë, vihet re një kristalizimi i disa poleve të zhvillimit bujqësor, që flasin për hapa të rëndësishëm në specializimin e prodhimeve të produkteve të ndryshme bujqësore. Përmes planit strategjik 2014-2020, Ministria e Bujqësisë, synon ta rris prodhimin, t`i zhvillojë zonat rurale dhe të krijojë vende të reja pune. Në këtë aspekt, eksperti i politikave bujqësore, profesori i fakultetit të bujqësisë, Halim Gjergjizi, thotë për Radio Kosovën se në këtë aspekt bujqësisë duhet t`i kushtohet një vëmendje afatgjate.

“Gjithsesi bujqësia si lëmi kërkon një qasje strategjikë, pra afatgjate. Prandaj, bujqësia është fushë që duhet t`i kushtohet një vëmendje afatgjate nëse dëshirojmë te kemi procese pozitive në zhvillimin ekonomik të saj. Këto qasje janë edhe në Bashkimin Evropian, pra edhe atje është një plan strategjik i cili përputhet me periudha kohore”, tha ai.

Edhe Imer Rusinovci, ekspert i bujqësisë, çështjen e hartimit të planeve strategjike e cilëson domethënëse dhe me konotacion shumë të madh. Por ai thotë se bujqësia në Kosovë duhet të ketë më tepër plane vepruese.

“Çfarëdo dokumenti që duhet të hartohet, përkatësish aprovohet nga dikasteret përkatës apo Qeveria e Kosovës, duhet të ketë më tepër karakterin dhe kuptimin veprues operues”, theksoi ai.

Se kohëve të fundit vërehen hapa konkret në zhvillimin e bujqësisë në vend, këtë e thotë edhe kryetar i Federatës Sindikale të Bujqve të Kosovës, Tahir Tahiri.

“Duke u bazuar në planet e mëparshme, ndoshta kohëve të fundit vërehen disa hapa më konkret dhe më të sigurt, mirëpo plane të tilla duhet të mbështeten edhe në anën financiare dhe të mbështeten edhe në punë e angazhime konkrete parësore dhe primare”, tha Tahiri për Radio Kosovën.

Me plane strategjike Ministria e Bujqësisë synon përmirësimin e cilësisë së jetesës dhe diversifikimin e vendeve të punës në viset rurale. E tërë kjo arrihet përmes sigurimit të punësimit dhe përfshirjes sociale në kuadër të zhvillimit të baraspeshuar territorial të viseve rurale.(RTK)
 

Komento:

VËREJTJE: Gazeta Tribuna mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!

Nga Rubrika
Ballina e Gazetës 17 Prill 2014
  • Të fundit
  • Më të lexuara
  • Më të komentuara
Email: gazeta@tribuna[email protected] Marketing: [email protected]
Telefon: 038 227 138 / 045 519 819 Marketing: 038 223 204 / 045 555 881
© Copyright 2014 - Gazeta Tribuna. Të gjitha të drejtat e rezervuara.
Site by Kreatoda