Shqip English
Në numrin e ri të Gazetës Tribuna:

Gjyqtari vret me thikë lojtarin, masakrohet nga tifozët

09:15 / E shtunë, 06 Korrik 2013
0

Ajo që duhet të ishte një ndeshje normale futbolli në Brazil është kthyer në një tragjedi të paprecedentë, ku një lojtar dhe gjyqtari i ndeshjes u vranë.

Incidenti ndodhi në një ndeshje të një lige amatore në qytetin Pius XII në Maranhao. Gjithçka nisi kur gjyqtari Octavio Jordan Silva, ndëshkoi me kartonin e kuq futbollistin, Josenir dos Santos Abreu.

Ky i fundit, në vend që të dilte nga loja, sulmoi gjyqtarin fizikisht. Gjyqtari kishte edhe një thikë me vetë, të cilën nuk ngurroi ta përdorte, duke e plagosur rëndë futbollistin. Ky i fundit u dërgua në spital në gjendje të rëndë.

Tifozët që ishin të pranishëm arritën të kapnin gjyqtarin e ndeshjes, duke e marrë peng. Kur mësuan lajmin se futbollisti humbi jetën në spital, tifozët e torturuan gjyqtarin deri në vdekje, duke i prerë kokën dhe gjymtyrët.

Policia ka identifikuar tre persona përgjegjës për vrasjen e gjyqtarit dhe tashmë ka nisur operacionet për kapjen e tyre.

Brazili vitin e ardhshëm pritet të organizojë Kupën e Botës 2014, në një kohë kur vendi zien nga trazirat sociale dhe protestat e dhunshme antiqeveritare.  

Komento:

VËREJTJE: Gazeta Tribuna mban të drejtën e përzgjedhjes së komenteve që do të publikohen. Komentet që përmbajnë gjuhë të urrejtjes, përmbajnë sharje dhe lëndime, si dhe komentet që nuk ndërlidhen me artikullin në të cilin komentoni, nuk i publikojmë.

Ju faleminderit!

Nga Rubrika
Ballina e Gazetës 2 Shtator 2014
  • Të fundit
  • Më të lexuara
  • Më të komentuara
© Copyright 2014 - Gazeta Tribuna. Të gjitha të drejtat e rezervuara. Site by Kreatoda